Parlementerên Elman piştgirî dan partiya me
Parlementerên Elman piştgirî dan partiya me

Parlementerên partiyên Elmanyayê CDU/CSU, SPD, Partiya Çep û Partiya Kesk li ber Parlemana Federal bi wêneyên parlementerên me yên di zindanê de, kom bûn. Gellek parlementerên Elman di çarçoveya bernameya “Parlementer, parlementeran diparêzin” doh (12ê Kanûnê) li ber avahiya Meclisa Federal kom bûn û wêneyên parlementerên me bilind kirin.

Hevserokên Partiya Çep Bernd Riexinger û Katja Kipping, Hevserokên Koma Meclisê Sahra Wagenknecht û Dietmar Batsch, Serokê Koma Meclisê ya SPDê Thomas Oppermann, Hevserokê Koma Meclisê ya Partiya Kesk Anton Hofreiter jî piştgirî dan vê bernameyê.

Ji Partiya Yekîtiya Demokratîk a Xirîstiyan Frank Heinrich, ji Partiya Demokrasiya Civakî Frank Schwabe û Cansel Kiziltepe, ji Partiya Kesk Tom Koenigs û ji Partiya Çep Sevîm Dagdelen bi hev re daxuyanî dan çapemeniyê û gotin “Em li bendê ne ku hikûmet mafê parlementeran îxlal neke û parlementer werin berdan”. 

13 Kanûn 2016